Shaxmat. Nodira Nadirjanova, Shamsiddin Vohidov va Nodirbek Abdusattorov shaxmat olimpiadasini mag‘lubiyatsiz yakunladi, Afruzani Hamdamova ayollar grossmeysteri normasini bajardi.

Xabar berganimizdek, Vengriya poytaxti Budapesht shahrida Butunjahon shaxmat olimpiadasi o‘z nihoyasiga etdi. Bu galgi musobaqada erkaklar terma jamoamiz kuchli uchlikdan joy olgan bo‘lsa, ayollarimiz 12-o‘rinni egalladi. Bundan tashqari yakkalik bahslarda ayrim shaxmatchilarimiz yuqori natijalarni qayd etishdi. Jumladan:

- WIM Nodira Nadirjanova shaxmat olimpiadasining 8 ta turida ishtirok etib mag‘lubiyatsiz 7 ochko jamg‘arib, o‘z taxtasida ikkinchi o‘rinni egalladi;

- GM Shamsiddin Vohidov o‘z doskasida birinchi o‘rinni egalladi! Shamsiddin 45-Jahon shaxmat olimpiadasining 10 ta turida ishtirok etib biror marta ham mag‘lub bo‘lmadi;

- GM Nodirbek Abdusattorov o‘z doskasida ikkinchi o‘rinni egalladi! Nodirbek 45-Jahon shaxmat olimpiadasining 11 ta turida ishtirok etib biror marta ham mag‘lub bo‘lmadi;

- Afruzani Hamdamova ayollar grossmeysteri (WGM) normasini bajardi.