Sherzod Nasrullaev yangi klub bilan shartnoma imzoladi

Sherzod Nasrullaev "Paxtakor"ga ko‘chib o‘tdi. Bu haqida klub matbuot xizmati ma’lum qildi.

"Tajriba­li chap qanot himoyachisi faoliyatini "Paxtakor"da davom ettiradi. U bilan klubimiz o‘rtasida ikki yillik shartnoma tuzildi. Ayni paytgacha Sherzod Superligada 147 bellashuvda 10 gol va 25 golli uzatma sohibi bo‘lgan. Osiyodagi klublar ishtirokida xalqaro turnirlarda 27 bahsda ishtirok etgan. Nasrullaevning "Paxtakor"dagi faoliyati yanada yorqin bo‘lishiga umid qilamiz."Paxtakor"ga xush kelibsan, Sherzod", -deya yozdi “Sherlar” o‘zining rasmiy sahifasida.