Shomurodov haqida o‘ylayapmiz...

Eldor Shomurodov o‘ynayotgan “Spetsiya” A Seriyaning 36-turida mavsumdagi eng muhim uchrashuvlaridan birini o‘tkazadi.

Leonardo Semplichi shogirdlari bu turda o‘zlaridan bir pog‘onada yuqorida turgan “Lechche” jamoasi mehmoni bo‘ladi. Hozir “Spetsiya” hisobida 30 ochko bor. Eng yaqin ta’qibchi “Verona” ham shuncha ball to‘plagan. “Lechche”ning ochkosi ulardan ikkita ko‘p.

Demak, “Spetsiya” safar uchrashuvidan g‘alaba bilan qaytsa, katta ehtimol bilan yuqori diviziondagi joyini saqlab qoladi. Liguriyaliklar o‘tgan turda Italiya grandlaridan “Milan”ni mag‘lubiyatga uchratib, natija uchun o‘ynay olishini ko‘rsatdi.

“Spetsiya” bosh murabbiyi Leonardo Sempionlichi bo‘lajak o‘yin olidan matbuot anjumanida o‘z fikrlarini bildirib, Eldor Shomurodov hahaqida ham to‘xtaldi.

Vaziyat haqida

“Milan” bo‘lgan uchrashuv o‘zimizga bo‘lgan ishonchni qayta uyg‘otdi va bo‘lajak bahsga boshqacha ishtiyoq bilan tayyorlandik. Bir necha bellashuvda natija qila olmaganim uchun bunaqa bo‘lmagan edi. Lekin hali masalani hal qila olganimiz yo‘q.

“Milan” bilan bo‘lgan o‘yin juda katta natija bo‘ldi va “Lechchi” bilan bo‘ladigan bahsda ham ana shunday ishtiyoq bilan to‘p tepishimiz kerak.

Kuchli jamoaga qarshi o‘ynashimizni his qilib turibmiz va shunga yarasha yaxshiroq tayyorlanishimiz shart. Natijaga erishish uchun yaxshi o‘yin ko‘rsatishimizga to‘g‘ri keladi.

A Seriyada qolish imkoniyati haqida

Buni gapirishga hali erta. Bir hafta muqaddam g‘aznaga uch ochko qo‘shdik, lekin hozir buni befoyda, deb hisoblaymiz va bo‘lajak bellashuvda maksimal darajadagi  e’tibor bilan harakat qilishimiz lozim. Biz chempionat oxirida ijobiy natijaga erishish uchun bor imkoniyatimizni safarbar qilamiz.

O‘yin sxemasi haqida

Biz asosan ikki taklhtik sxema ustida ishladik. Ularning qay biri futbolchilarimizga ko‘proq mos tushishini yaxshi anglab etishimiz kerak. Vaziyatni tahlil qilyapmiz va qaror oxirida qabul qilinadi. O‘tgan dam olish kuni yigitlar o‘zini har tomonlama zo‘r ko‘rsata oldi. Endi bu gal qana bo‘lishini o‘yinda bilib olamiz.

Eldor Shomurodov haqida

Uchrashuvda 3-5-2 sxemasidan foydalanishimiz mumkin. Bu vaziyatda Eldor Shomurodov haqida bosh qotirishga to‘g‘ri keladi. Eldor bu pozitsiya uchun yaxshi nomzod hisoblanadi.

Shuningdek, mashg‘ulotlarda Kaldara shikastlanganini ham aytish joiz. Bastoni ham jarohatidan to‘la qutilgani yo‘q. Tarkib tashlash borasida bir necha muammolarimiz bor. Lekin boshlang‘ich tarkibimizga ishonamiz.

Ishga munosabat haqida

Biz uchun qat’iyatni saqlab qolish muhim. “Milan” bilan o‘yinda nimadir qo‘shishimiz kerak edi va buni uddalay oldik. Omad va omadsizlik haqida ko‘p gapiramiz. Biz o‘z harakatlarimiz bilan omadsizlikni o‘zgartirib yuborishimiz muhim. Xuddi “Milan” bilan bo‘lgan o‘yindagi kabi boshqacha tarzda harakat qilish lozim. Bo‘lajak uchrashuvdagi raqibimiz juda kuchli. O‘tgan turda ular Rimda “Latsio” qarshi zo‘r o‘ynab, durang qayd etdi.

Bahaybat futbolchi tezlikda Shomurodovga etib oldi

Shomurodov va Nzola "Milan"ga qarshi jasorat ko‘rsatishi kerak!