Баҳайбат футболчи тезликда Шомуродовга етиб олди

Европа футболида тезлик муҳим роль ўйнайди. Бу хусусият футболчининг энг катта ютуқларидан ҳисобланади ва алоҳида қадрланади.

Статистика эспертлари ҳар бир чемпионат, ўйин ва жамоанинг энг тезкор футболчилари натижаларини қайд этиб боради. Тезлик асосан ҳужумкор ўйинчиларнинг асосий қуролларидан бири ҳисобланади. Ҳимоячилар ҳам шиддат билан югура оладиган ҳужумчилар билан баҳслашиш учун ўз тезлигини ошириш борасида бош қотиради.

Италия чемпионатида ҳам спринтер сифатида ном қозонган футболчилар бор.  Масалан, “Милан” ҳимоячиси Тео Эрнандес (33,7 км/с), “Лечча” ҳужумчиси Ламе Банда (33,7 км/с), “Болонья” форварди Риккардо Орсолини (33,8 км/с), “Торино” ҳимоячиси Вилфред Стефан Синго (33,9 км/с) ўз тезкорлиги билан ажралиб туради.

Ҳал қилувчи паллага кирган А Сериянинг 35-турида “Специя” ҳимоячиси Пшемислав Вишневски “Милан”га қарши ғалабали учрашувда кўрсатган тезлик статистика мутахассислари эътиборини тортди.

Польшалик футболчи ўйин давомида соатига 33,6 километр тезлик қайд этди. Экспертлар эътиборини бошқа нарса ўзига жалб этди. Вишневски юқорида номи саналган спринтерлардан фарқли равишда жисмоний кўрсаткичлари тезкорликка хос эмас.

24 ёшли футболчининг бўйи 195 сантиметр ва вазни 90 килограммни ташкил қилади. Бу гавда ва вазн билан тез югуриш анча мушкул. Вишневски “Милан”га қарши баҳсда порлади, А Сериядаги биринчи голини ҳам урди.

“Специя” футболчилари орасида энг тез югурадиганларидан бири Элдор Шомуродов ҳисобланади. Элдорнинг ҳам бўйича етарлича баланд, бироқ вазни жамоадошиники сингари оғир эмас.

Эсингизда бўлса, Элдор Шомуродов “Рома”нинг ҳозирча ягона соврини бўлиб турган Конференциялар лигасидаги кўрсаткичлари алоҳида эътироф этилганди.

Конференциялар лигасининг илк мавсуми ниҳоясига етгач, УЕФА расмий сайти клубларнинг турнирдаги статистик кўрсаткичлари ҳақида маълумот берган эди.

Эътиборлиси, Конфедерациялар лигасида энг катта тезликни қайд этган «Рома» ўйинчиси Элдор Шомуродов бўлди. Турнирда 9 ўйинда майдонга тушган легионеримизнинг тезкорлик бўйича максимал натижаси 33,6 км/соатни ташкил қилган.

Элдор бу кўрсаткич бўйича европалик жамоадошлари Николо Дзаньола (32 км/с) ва Тэмми Абрахамни (21,9 км/с) ортда қолдирганди.

Энди кўриш мумкинки, Пшевислав Вишневски ҳам тезкорлик кўрсаткичи бўйича Элдор Шомуродов натижасини такрорлашни уддалади.

Шомуродов порлаган жамоа А Серия масаласини ҳал қилди!

Легионеримиз гол қандай урилишини кўрсатиб қўйди!