"Shomurodov uchun javobgarlikni 100 foiz bo‘ynimga olaman"

"Roma" sport direktori Tyago Pinto Rim klubining omadsiz transferlari haqida gapirdi. 

"Bizning o‘z ambitsiyalarimiz va printsiplarimiz mavjud. Har doim o‘z ishimizni yaxshi bajarishga harakat qilamiz. "Roma"da o‘ynab keta olmagan futbolchilar uchun javobgarlikni o‘z bo‘ynimga olishdan qo‘rqmayman. Barcha ayb mening zimmamda. 

Men hech kimning ortiga bekinishni xohlamayman. Siz (jurnalistlar) Vina hamda Shomurodov haqida tez-tez gapirasiz. Ular uchun javobgarlikni 100 foiz o‘z bo‘ynimga olaman", - dedi "bo‘rilar" sport direktori.