“Siti” futbolchisi terma jamoa uchun klubni tark etadi

“Manchester Siti”ning frantsiyalik markaziy himoyachisi Emerik Laport doimiy o‘yin amaliyotiga ega bo‘lmayotgani sababli, klubni tark etishga qaror qildi.

26 yoshli futbolchi joriy mavsumda Angliya premer-ligasida atigi ettita uchrashuvda maydonga tushdi va kam o‘ynayotgani bois terma jamoadagi o‘rnini boy berish ehtimoli yuzaga keldi.

- Men “Manchester Siti”da baxtliman va bu klubda uzoq yillar to‘p tepishni orzu qilaman. Lekin vaziyat o‘zgarmasa, mavsum oxirida qaror qabul qilishga to‘g‘ri keladi, - dedi Laport.