“Siti” yulduzlarini "bog‘lab" qo‘ymoqchi
“Manchester Siti” rahbariyati yulduz futbolchisi Rahim Sterlingni saqlab qolish harakatiga tushib qoldi. Bu futbolchiga taklif ko‘p bo‘lmoqda va u yozgi transferlar vaqtida jamoasini o‘zgartirishi mumkin.
“Shaharliklar” xo‘jayinlari futbolchini ko‘ndirish uchun besh yillik shartnoma va haftasiga 350 ming funt maosh va’da qilmoqda. Shuningdek, Xosep Gvardiolaning ham klub bilan yangi bitim tuzgani Sterlingni qolishida muhim omil bo‘lishiga ishonishmoqda.
Sterling masalasi hal bo‘lganidan keyin “Siti” Kevin de Bryuyne bilan yangi bitim bo‘yicha ish boshlaydi.
Har ikki futbolchining amaldagi shartnomasi 2023 yilning yozigacha tuzilgan. Biroq, ikkisiga ham boshqa baquvvat klublardan jiddiy takliflar bo‘lyapti. Shuning uchun "shaharliklar" ularni yangi shartnoma bilan "bog‘lab" qo‘ymoqchi
Fikrlar