"Sport TV" "Uzbek Tigers" - "Cuba Domadores" jangini takroran namoyish etadi

Xabaringiz bor, bugun poytaxtimizdagi "Universal" sport majmuasida WSB seriyasi turkumiga kiruvchi turnirning 2-turida "Uzbek Tigers" jamoasi Kubaning "Cuba Domadores" jamoasiga qarshi janglar o‘tkazdi.

Qiziqarli va shiddatli janglarga boy tarzda kechgan boks kechasida "Uzbek Tigers" bokschilari raqiblarini 4:1 hisobida mag‘lub etishning uddasidan chiqishdi.

"Sport" telekanali esa mazkur bahslarni bugun tunda, aniqog‘i - 01:40 da va ertaga 14:10 da to‘liq holatda takroran efirga uzatadi. Bu haqda telekanalning "Telegram" messenjeridagi rasmiy sahifasi xabar berib o‘tdi.