Superkubok oldidan! "Paxtakor" va "Nasaf" ishtirokidagi so‘nggi 5 o‘yinda ustunlik kim tomonda? (foto)

Bugun Jizzaxda O‘zbekiston Superkubogi uchun "Paxtakor" va "Nasaf" jamoalari o‘zaro kurash olib boradi. Bahs Toshkent vaqti bilan 19:30 da start oladi. 

Ushbu to‘qnashuv oldidan sizga muhim ma’lumotni taqdim etamiz. Bu jamoalar ishtirokidagi so‘nggi 5 o‘yinda "Nasaf" 2 marta, "Paxtakor" esa 1 marta zafar quchgan. Yana 2 bahs 0:0 hisobidagi durang natija bilan yakun topgan. Oxirgi 3 bellashuvda atigi bitta gol urilgan.

Ma’lumot o‘rnida, o‘tgan mavsum "Paxtakor" O‘zbekiston chempionati g‘olibi bo‘lgandi. "Nasaf" esa O‘zbekiston kubogida muvaffaqiyat qozongan. Shu tufayli, bu ikki jamoa Superkubok uchun kurash olib boradi.