Superliga. "Andijon" o‘z tarixida ilk bor "Bunyodkor"ni mag‘lub etdi

O‘zbekiston Superligasi 2-turidan o‘rin olgan "Andijon" va "Bunyodkor" jamoalari o‘rtasidagi o‘yin yakunlandi. Mazkur bellashuvda mezbonlar yirik 5:1 hisobida g‘alaba qozondi.

Shu tariqa, andijonliklar "Bunyodkor"ga qarshi o‘yinlarda birinchi marta zafar quchdi. Bungacha o‘tkazilgan 26 bellashuvda "qaldirg‘ochlar" 20 ta g‘alabani qo‘lga kiritgan. Yana 6 bahs esa durang bilan yakun topgan. To‘plar nisbati esa 9 ga 52 ni tashkil qilardi. 

Ma’lumot o‘rnida, "Andijon" ayni payt 4 ochko bilan to‘plar farqining yaxshiligiga ko‘ra jadvalda peshqadamlik qilmoqda.