Tarixiy natija qayd etgan murabbiy terma jamoadan ketdi

Janubiy Afrika futbol assotsiatsiyasi (SAFA) belgilaylik mutaxassis Ugo Broosning milliy jamoa bosh murabbiyligi lavozimini tark etganini ma’lum qildi.

- Biz bir lahza to‘xtab, Janubiy Afrika futboli uchun qilgan barcha xizmatlaringiz uchun sizga chuqur va samimiy minnatdorchilik bildiramiz, — deyiladi SAFA bayonotida.

Ugo Broos 2021 yildan buyon YUAR terma jamoasiga rahbarlik qilib kelayotgan edi. Uning qo‘l ostida jamoa tarixida ilk bor 2026 yildagi jahon chempionati pley-off bosqichiga chiqdi. 1/16 finalda YUAR Kanadaga 0:1 hisobida mag‘lub bo‘ldi. 74 yoshli mutaxassis jahon chempionatlari pley-off bosqichida ishlagan eng keksa murabbiy sifatida tarixga kirdi.

Shuningdek, Broos boshchiligida JAR 2023 yildagi Afrika millatlar kubogida bronza medallarini qo‘lga kiritgan edi.

Tajriba mutaxassis bundan oldin «Molenbek», «Bryugge», «Muskrоn», «Anderleht», «Genk» va «Zyulte-Varegem» kabi Belgiya klublarida ishlagan. Shuningdek, u Gretsiyaning «Panserraikos», Turkiyaning «Trabzonspor», Jazoirning «Kabiliya» jamoalari hamda Kamerun terma jamoasini ham boshqargan.