Tezkor! "Nasaf"ning "Al-Ayn"ga qarshi o‘yinida "Goal-line" texnologiyasidan foydalaniladi!

Xabaringiz bor, ertaga soat 19:00 da "Nasaf" klubining Osiyo chempionlar ligasi nimchorak final bosqichi doirasida BAAning "Al-Ayn" jamoasiga qarshi o‘yini start oladi. 

SPORTS.uz saytiga ma’lum bo‘lishicha, mazkur to‘qnashuvda "Goal-line" texnologiyasi ishlatiladi. Hozirda Qarshi shahriga texnikalar etib kelgan. 

Ma’lumot o‘rnida, "Goal-line" texnologiyasi golni aniqlashda hakamlarga yordam berib keladi. Agar to‘p chiziqni kesib o‘tsa, referining qo‘lidagi soatga maxsus signal etib boradi va shu orqali muammoli vaziyat texnologiya yordamida hal etiladi.