Tokio-2020. O‘zbekiston umumjamoa hisobida nechanchi o‘rinda bormoqda?

Bugun paralimpiyachilarimiz kun davomida 1 ta medalni qo‘lga kiritishdi. Bronza medalini para dzyudo bo‘yicha -100 kg vazn toifasida Sharif Halilov terma jamoamiz hisobiga qo‘shtirib qo‘ydi.

Hozircha delegatsiyamiz 4 ta oltin, 4 ta kumush va 4 ta bronza, jami 12 ta medal bilan umumjamoa hisobida 13-pog‘onani egallab turibdi.

Medallar jamg‘arish bo‘yicha kuchli uchlikda Xitoy, Buyuk Britaniya va AQSh bormoqda. Rossiya esa 4-o‘ringa tushib qoldi.

Eslatib o‘tamiz, ertaga yana 8 nafar para atletimiz musobaqalarda ishtirok etadi.