Tom Aspinallning boks yulduzlariga qarshi imkoniyati qanday?

Angliyalik MMA ustasi Tom Aspinall boks yulduzlari – Aleksandr Usik, Tayson Fyuri va Entoni Joshuaga qarshi jangda o‘z imkoniyatlarini baholadi.

"O‘z vaqtida Fyuri bilan birga shug‘ullangan bo‘lsam-da, elita darajasidagi charm qo‘lqop ustalariga qarshi ringda imkoniyatim yuqori emas. Ehtimol, og‘ir vaznda 1-2 janglarda g‘alaba qozona olarman, biroq Usik, Fyuri yoki Joshuani yengolmasligim aniq" ,- dedi UFC chempioni "Fight Your Corner" podkastida.

Eslatib o‘tamiz, ayni paytda Tom Aspinall ko‘zidagi jarohatni davolamoqda. Uning navbatdagi raqibi 14 iyun kuni Aleks Perreyra va Siril Gan o‘rtasidagi jangda aniqlanadi.