Tomas Bax Xalqaro Olimpiya qo‘mitasi prezidentligiga qayta saylandi

Bugun Xalqaro Olimpiya qo‘mitasi (XOQ)ning 137-Sessiyasi o‘z ishini boshladi. Ta’kidlash joiz, 12 martgacha davom etadigan ushbu Sessiyaning asosiy maqsadi XOQ prezidentini saylash edi.

Ahamiyatlisi, ushbu lavozimga 8 yildan beri tashkilotni boshqarib kelayotgan Tomas Baxning o‘zi yagona nomzod bo‘lib turgan edi. Tadbir avvalida XOQ rahbari ortda qolgan davr oralig‘ida qilingan ishlar, Tokio-2020 va boshqa Olimpiya o‘yinlariga olib borilayotgan tayyorgarlik rejalari haqida ma’ruza qildi. Onlayn o‘tgan tadbirda XOQ rahbariyati, Ijroiya qo‘mitasi a’zolari va tashkilotning barcha vakillari, Xalqaro federatsiya va assotsiatsiyalar rahbarlari, sport jamoatchiligi kuzatib bordi.