Turk qardoshlar yirik hisobda mag‘lub bo‘ldi
Millatlar ligasi «A» ligasi guruh bosqichi 2-turida Turkiya va Italiya terma jamoalari oʻrtasidagi uchrashuv yakunlandi. Bursadagi «Bursa Büyukshеhir Bеlеdiе» stadionida oʻtkazilgan bahsda italyaliklar 4:1 hisobida gʻalaba qoʻzondi.
9-daqiqada Alessandro Bastoni hisobni ochib, Italiyaning oldinga olib chiqdi. 22-daqiqada Davide Frattеtsi mehmonlarning ustunligini ikki toʻpga yetkazdi.
27-daqiqada Mikaеl Kayodе Italiyaning uchinchi golini urdi. 47-daqiqada Barish Alper Yilmaz Turkiyaning ortda qolishini qisqartirdi.
51-daqiqada Franchеsko Espozito Italiya terma jamoasining toʻrtinchi golini urdi va uchrashuvdagi yakuniy hisobni oʻrnatdi — 4:1.
Guruh bosqichining navbatdagi turida Turkiya 2 oktyabr kuni Bеlgiyа bilan, Italiya esa shu kuni Frantsiya bilan oʻynaydi.
Millatlar ligasining amaldagi gʻolibi Portugaliya terma jamoasi hisoblanadi. Oʻtgan mavsum finalida portugalalar Ispaniyani 2:2 hisobida durangdan soʻng penaltilar seriyasida 5:3 hisobida magʻlub etgan. Qayd etish joiz, Portugaliya Millatlar ligasida ikki marta gʻolib chiqqan.
Fikrlar