Turkiya terma jamoasining sobiq futbolchisi kutilmaganda faoliyatini yakunladi

Turkiyaning “Galatasaroy” va Ispaniyaning “Deportivo” klublari sobiq futbolchisi Emre Cholak 31 yoshida butsalarini mixga ilishga qaror qildi.

Biroq bu holat kutilmaganda sodir bo‘ldi. U mavsumni Turkiyaning "Gaztepe" klubida boshladi va yanvar oyida Ispaniyaning "Interciti" klubi bilan shartnoma imzoladi.

Ammo “Atletik” Bilbaoning ikkinchi jamoasiga qarshi o‘yinda bor-yo‘g‘i o‘ttiz daqiqa o‘ynab, 1:0 hisobidagi g‘alabani nishonlayotgan Cholak, shundan so‘ng darhol ijtimoiy tarmoqda faoliyatini yakunlagani haqida yozdi.

Futbolchi bu qarorining aniq sababini aytmadi. U oilasi bilan vaqt o‘tkazishni istayotganini bildirdi. Balki, vatani Turkiyadagi fojiali voqealar uni shunday o‘ylar va qarorlar qabul qilishga undagandir. U to‘satdan yaqinlaridan uzoq joyda to‘p tepmaslik, oilasiga imkon qadar ko‘proq vaqt ajratish kerakligini anglab etgan bo‘lishi mumkin.