Tuxel yarim finalidagi mag‘lubiyatdan so‘ng bo‘shatilmaydi

Angliya Futbol assotsiatsiyasi bosh ijrochi direktori Mark Bullingxem nemis mutaxassisi Tomas Tuxelga ishonch bildirishda davom etmoqda, deb xabar bermoqda britaniya ommaviy axborot vositalari. Shu bois Tuxel kamida 2028 yilda o‘tkaziladigan ichki Yevropa chempionatigacha Angliya terma jamoasi bosh murabbiyi sifatida ishlashda davom etadi.

Eslatib o‘tamiz, JCh-2026 musobaqasida Angliya yarim finalda Argentinga 2:1 hisobida mag‘lub bo‘ldi. «Uch sher» 85-daqiqagacha hisobda oldinda borayotgan edi. 19 iyul kuni esa inglizlar uchinchi o‘rin uchun Fransiyaga qarshi maydonga tushadi. Agar Angliya g‘alaba qo‘zonsa, bu terma jamoa uchun so‘nggi 60 yildagi eng yuqori natija bo‘ladi.

Tuxel Argentinga qarshi o‘yinda taktik xatoga yo‘l qo‘yganini tan oldi.

«Biz besh nafar himoyachi bilan o‘yinga o‘tishga qaror qildik, chunki maydondagi bo‘shliqlar juda katta bo‘lib qolgandi. Argentina katta tavakkal bilan, yuqori sur’atda o‘ynay boshladi, ularda yo‘qotadigan hech narsa qolmagandek tuyulardi. Shu hissiyot ularni erkinlashtirdi va bizga bosimni oshirib, orqaga chekinishga majbur qildi. Bu qaror uchun javobgarlik murabbiy zimmasida», – deya tushuntirdi Tuxel.

Tuxel Angliya terma jamoasini 2025 yil 1 yanvardan boshlab boshqarmoqda. Uning shartnomasi 2028 yilda Buyuk Britaniyada o‘tadigan Yevropa chempionati yakunlanguniga qadar amal qiladi.