Usik MMAda jang qilishi mumkin

Ukrainalik mashhur bokschi Aleksandr Usikning murabbiyi Sergey Lapin shogirdi tez orada MMAga o‘tishi mumkinligini inkor etmadi.

“Sasha shu avlodning eng yaxshi bokschisi ekanligini isbotladi. Taysonni nafaqaga jo‘natgandan so‘ng, u jang san’atining boshqa turlarida ishtirok etish variantlarini ko‘rib chiqishi mumkin. U MMA va BKFC qoidalariga ko‘ra bemalol jang qila oladi. Tasavvur qiling-a, Usik va Jon Jons sayyoradagi eng kuchli yigit nomi uchun kurashmoqda. Yoki qafasda Joshua bilan uchinchi jang. Balki hatto Jeyk Pol bilan ham jang bo‘lishi mumkin”, - deya Lapinning so‘zlarini keltiradi Mirror portali.

Eslatib o‘tamiz, Usik o‘zining so‘nggi jangini joriy yilning 19 may kuni Saudiya Arabistonida Tayson Fyuriga qarshi o‘tkazdi va unda hakamlarning qaroriga (114-113, 113-114, 115-112) ko‘ra g‘alaba qozondi.