Velosportchilarimiz Osiyo chempionati doirasida o‘tkazilgan jamoaviy bahsda kumush medalni qo‘lga kiritishdi

Velosportning shosse yo‘nalishi bo‘yicha davom etayotgan Osiyo chempionatida bugun jamoaviy estafeta dasturi bo‘yicha bahslar bo‘lib o‘tmoqda.

Unda ishtirok etgan yoshlarimiz faxrli ikkinchi o‘rinni qo‘lga kiritdi. 

20 km masofaga o‘tgan poygada Roksana Hikmatova, Gulhayo Sattorova, Ekaterina Makarochkina, Fazliddin Ergashev, Chingiz Cho‘liev hamda Shoislom Shoakmalov terma jamoamiz sharafini himoya qildi.