Vodiy derbisiga oz qoldi yoxud "Turon" - "Andijon" bahsi oldidan

Coca-Cola Superliganing 25-turidagi dastlabki o‘yin sifatida boshlanadigan “Turon” – “Andijon” bahsi tabiiyki vodiy derbisi maqomida.

“Turon” – “Andijon” o‘rtasida Superligadagi qarama-qarshilik 2021 yilgi mavsumda boshlangan. Ilk to‘qnashuvda Andijonda 1:1 hisobi kuzatilgan. Ikkinchi davradagi uchrashuvda esa mezbonlarning qo‘li baland kelgan – 1:0. Joriy yilning birinchi davrasidagi bahs Farg‘onadagi “Istiqlol” stadionida o‘tkazilgan va undan “Andijon” 2:1 hisobida raqibidan ustun kelgan. To‘plar nisbati 3\3 tenglik.

Navbatdagi o‘yin esa ushbu jamoalarning Superligadagi 4-to‘qnashuviga aylanadi. Bilasiz, “Turon” ligada jon saqlab qolish uchun kurashmoqda, “Andijon” esa chempionatni yanada yuqori o‘rinlardan birida yakunlash niyatida. Muxlislar Yaypanda qiziqarli va keskin uchrashuv guvohiga aylanadilar.