WBC qarorni Bahodir Jalolov foydasiga chiqardi

O‘zbekistonlik mashhur bokschi Bahodir Jalolov (17-0, 15 KO) Jahon boks kengashining (WBC) yangilangan reytingida ikki pog‘ona yuqori ko‘tarildi, deb xabar bermoqda Sports.kz.

WBCning superog‘ir vazn toifasidagi so‘nggi reytingiga ko‘ra, Jalolov hozirda 11-o‘rinni egallab turibdi. Ilgari u 13-pog‘onada qayd etilgan edi.

Reytingda Bahodirdan yuqori qatorlarda, jumladan, ukrainalik Andrey Novitskiy ham joy olgan. U ham o‘z ko‘rsatkichini yaxshilab, 12-o‘rindan 10-pog‘onaga ko‘tarildi. Ro‘yxatning yetakchi pog‘onasida esa hali ham britaniyalik Tayson Fyuri joylashgan.

Eslatib o‘tamiz, Bahodir Jalolov o‘zining so‘nggi jangini 9 may kuni Manchester shahrida o‘tkazgan edi. Ushbu bahsda u xorvatiyalik supertyazh vazn vakili Agron Smakični muddatidan oldin mag‘lub etgan.