Xabi Alonso bilmasdan “Chelsi”ga kelayotgan hujum transferini barbod qilib qo‘ydi

O‘tgan yozda “Chelsi” rahbariyati “Bayer”ning 18 yoshli vingeri Kerim Alaybegovichni xarid qilishga juda yaqin kelgan edi. Biroq londonliklar taklif qilgan futbolchini rivojlantirishning uzoq muddatli rejasi yakunda ularga qarshi ishladi.

Iyul oyida Xabi Alonso bosniyalik iqtidor sohibi va Leverkuzen klubi rahbariyati bilan shaxsan bog‘langan. “Chelsi” bosh murabbiyi yosh vinger uchun 40 million yevro (34,7 million funt) sarflash kelajakda klub uchun katta foyda keltirishiga ishongan.

Biroq Alonso futbolchiga asosiy tarkibdan joy olishini kafolatlay olmasligini ochiq aytdi. Bunga Morgan Rojers bilan yuqori raqobat sabab bo‘lishini tushuntirib, oraliq ijara variantini taklif qildi.

Aynan shu omil hal qiluvchi ahamiyat kasb etdi. TuttoMercatoWeb xabar berishicha, yosh o‘yinchi uchun “Chelsi”, “Napoli” va “Atalanta” muzokaralar olib borayotgan bir paytda kurashga “Yuventus” ham qo‘shilgan.

Turinliklar Alaybegovichga hech qanday ijarasiz o‘z loyihasida asosiy rolni taklif qildi va transferni 32 million yevro hamda bonuslar evaziga amalga oshirdi.

Turin klubining qarori juda tez o‘zini oqladi: Kenan Yildiz jarohat olgani sabab bosniyalik futbolchi darhol o‘yin amaliyotiga ega bo‘ldi. Yevropa ligasida “Neymegen”ga qarshi uchrashuvda esa “Yuventus” safidagi ilk golini urdi.

Turinliklar bosh murabbiyi Lyuchano Spalletti futbolchini maqtab, uning sovuqqonligi va yuqori darajasini ta’kidladi.

Alonsoning halolligi va istiqbolga qaratilgan strategiyasi yakunda “Chelsi”ning iqtidorli futbolchini qo‘ldan chiqarishiga olib keldi. Garchi Morgan Rojers hozir yaxshi o‘ynayotganini hisobga olsak, bu “Chelsi” uchun hatto foydali bo‘lgan bo‘lishi ham mumkin.