"Xaddersfild" Angliyada o‘ziga xos natijaga ega futbolchini ijaraga oldi

"Lester" yarim himoyachisi Endi King faoliyatini APLning boshqa bir klubi "Xaddersfild"da davom ettiradi.

31 yoshli xavbek mavsumni "Reynjers"da ijarada boshlagandi, endi esa mavsumni "Xaddersfild"da yakunlab qo‘yadigan bo‘ldi.

King Angliyada o‘ziga xos natija mualliffi hisoblanadi. U bitta klub safida Birinchi divizon (2009-yil), Chempionship (2013-yil) va Premer-ligani (2016-yil) yutgan birinchi futbolchiga aylandi.

U barcha unvonlarga "Lester" bilan birgalikda ega chiqqan. Futbolchi "tulkilar" tarkibida 2006-yildan buyon to‘p surib keladi.