Xanchjou-2022: Rustam Jangabaev yana bir bor Osiyo o‘yinlari sovrindoriga aylandi!

Bundan biroz avval erkaklar o‘rtasida +109 kg vazn toifasida bahslar yakunlandi.

Quvonarlisi unda ishtirok etgan hamyurtimiz Rustam Jangabaev dast ko‘tarishda 190, siltab ko‘tarishda 233, umumiy hisobda 423 kg natija qayd etdi va uchinchi o‘rinni egalladi. Shu tariqa Rustam Jangabaev Osiyo o‘yinlarida delegatsiyamiz hisobiga navbatdagi bronza medalni qo‘shtirib qo‘ydi.

Eslatib o‘tamiz, Rustam Jangabaev 2018 yil Indoneziyada bo‘lib o‘tgan Osiyo o‘yinlarida ham bronza medaliga sazovor bo‘lgan edi.