Xavi “Barsa”ni kuchaytiradigan o‘yinchi topdi

“Barselona” rahbariyati qishki transfer oynasi ochilishi bilan “Inter” markaziy himoyachisi Milan Shkrinyarni Kataloniyaga olib kelishga qaror qildi.

Calciomercato nashrining ta’kidlashicha, Xavi Ernandes jamoasining himoya chizig‘ini mustahkamlashga ehtiyoj sezmoqda. Shu bois, kataloniyaliklar slovakiyalik himoyachini imkon qadar tezroq qo‘lga kiritmoqchi.

“Inter” rahbariyati o‘z futbolchisi bilan yangi shartnoma tuzishga harakat qilmoqda. Biroq, Shkrinyar bunga ko‘nmasa, milanliklar uni 25 million evro evaziga “Barselona”ga qo‘yib yuborishi kutilmoqda.

Shkrinyar 2017 yildan beri “Inter” sharafini himoya qilmoqda. Shu kunga qadar 229 ta uchrashuvda maydonga tushgan.