Xavi: “Chelsi” yulduzini sotib olamiz!

Goal nashrining xabar berishicha, “Barselona” bosh murabbiyi Xavi Ernandes klub rahbariyatidan “Chelsi” futbolchisi Ngolo Kanteni sotib olishni talab qilmoqda.

Ispaniyalik mutaxassis frantsiyalik futbolchi jamoaning maydon markazidagi ustunligini ta’minlashiga ishonch bildirmoqda. Qolaversa, hozir yuqori saviyali o‘yinchini olishning ayni paytdi.

Kantening “aristokratlar” bilan kelishuvi yakunlanishiga bir yil qoldi va tomonlar hali yangi bitim borasida bir to‘xtamga kelmagan. Aslida “Chelsi” bu o‘yinchini qo‘yib yuborishga qarshi emas.

Ma’lumotlarga qaraganda, Kanteni olish uchun Kataloniya superklubi 50 million evro atrofida badal puli to‘lashi kerak bo‘ladi.