Xavi Simons Bundesligaga yo‘l oldi

Xavi Simonsnining keyingi manzili Bundesliga bo‘ladi. U "Leyptsig" klubiga bir yilga ijaraga o‘tmoqda, deya xabar berdi insayder Fabritsio Romano. 

Jurnalistning so‘zlariga ko‘ra, hujumkor yarim himoyachi ayni payt agenti bilan Germaniyaga etib borgan. Yaqin soatlarda u tibbiy ko‘rikdan o‘tadi va rasman "Leyptsig" futbolchisiga aylanadi. 

Ma’lumot uchun, Xavi o‘tgan mavsumni PSV tarkibda o‘tkazgandi. Uning PSJ bilan amaldagi shartnomasi 2027 yilda o‘z nihoyasiga etadi.