Xolandning otasi "Real"ni tanladi. Biroq...

"Borussiya" Dortmund yulduzi Erling Xolandning kelajagi mavhumligicha qolmoqda. U hamon qaysi klubga o‘tishi borasida bir qarorga kelmadi. 

"El Chiringuito" nashri jurnalisti Xose Alvaresning xabar berishicha, Mino Rayola o‘z mijozini "Barselona"da to‘p tepishini istayapti. Biroq Alf-Inge Xoland o‘g‘lining "Real"ga o‘tishini taniqli futbol agentidan talab qilmoqda. 

Bu mavsumda 21 yoshli forvard "asalarilar" safida jami 20 ta o‘yinda maydonga tushib, 23 ta gol va 5 ta assist muallifiga aylangan. 

Ma’lumot o‘rnida, Xoland jarohati sababli 2022 yilning 22 yanvaridan buyon maydonga tusha olmayapti.