Xolandning xet-triklari ko‘payib ketdi
Uni to‘xtatib bo‘lmayapti
“Manchester Siti” Angliya kubogi chorak finalida kuchli raqib – “Liverpul”ni yirik hisobda mag‘lub etdi va musobaqaning yarim finaliga chiqdi.
Bu o‘yinda mersisaydliklar darvozasiga kiritilgan to‘rtta goldan uchtasi “shaharliklar”ning norvegiyalik superforvardi Erling Xoland hisobiga yozildi.
Ma’lum bo‘lishicha, bu uning “Manchester Siti” tarkibidagi 12-xet-triki sifatida qayd etildi. Xoland Manchester jamoasiga 2022 yilning yozida Germaniyaning “Borussiya Dortmund” klubidan o‘tgan.
Qiziq jihati shundaki, shu vaqt ichida u Angliyaning asosiy hujumchisi Harri Keyndan ham ko‘proq xet-trik amalga oshirdi. Keyn hisobida Angliya maydonlarida kiritilgan 11 ta xet-trik bor.
Ayni payt ingliz hujumchisi hozir o‘z yurtida emas, balki Germaniya Bundesligasida o‘ynamoqda.
Izohlar (0)