"Xorazm" futbolchisi O'zbekiston terma jamoasiga chaqirildi

"Xorazm" professional futbol klubi futbolchisi Diyor Ortiqboev Oʻzbekiston milliy terma jamoasi yigʻiniga chaqiruv oldi. Bu haqida klub matbuoti xabar berdi.

FIFA Jahon chempionatiga tayyorgarlik doirasida oʻtkazilayotgan oʻquv-mashgʻulot yigʻinlari hamda xalqaro oʻrtoqlik uchrashuvlarida Diyor Ortiqboev terma jamoa sharafini himoya qiladi.

Maʼlumot uchun: terma jamoa bosh murabbiyi Fabio Kannavaro Xorazmda boʻlib oʻtgan "Xorazm" – "Neftchi" uchrashuvini stadiondan bevosita kuzatib borgan edi.