Yosh short-trekchimiz Osiyo ochiq kubogida ikkinchi o‘rinni egalladi

Shu kunlarda Hindistonning Dehradun shahrida short-trek bo‘yicha o‘smirlar o‘rtasida Osiyo ochiq kubogi bo‘lib o‘tmoqda. Unda ishtirok etayotgan yosh sportchimiz Alisher Mahmudov sovrindorlar qatoridan joy oldi.

Hamyurtimiz 1000 metr masofaga kechgan poygalarda 28 ishtirokchi orasida ikkinchi natijani qayd etdi va kumush medal bilan taqdirlandi. Shuningdek, oltin va bronza medallari mezbon sportchilarga nasib etgan.

Bu haqida MOQ xabar bermoqda.