"Yuventus" darvozaboni A Seriyaning boshqa klubiga o‘tdi

Turinning "Yuventus" klubi darvozaboni Mattia Perin mavsumni "Jenoa"da davom ettiradigan bo‘ldi. Bu haqda klub rasmiy sayti xabar tarqatmoqda.

Yuqoridagi manbaaga ko‘ra genuyaliklar 27 yoshli posbonni mavsum yakuniga qadar ijaraga olishgan. Shartnomaning qolgan bandlari esa oshkor etilmayapti.

Ma’lumot uchun, Perin "Yuventus" safiga 2018 yil aynan “Jenoa”dan 14,2 mln evro evaziga ko‘chib o‘tgan edi. U joriy mavsum “keksa sinora” safida 9 ta o‘yinda maydonga tushdi va o‘z darvozasidan 8 ta golli uzatma yozdirib qo‘yishga erishdi. Uning transferi esa 10 mln evroga baholanmoqda.