"Yuventus"ning yana bir asosiy futbolchisida koronavirus aniqlandi

Turinning “Yuventus” klubi rasmiy sayti jamoaning yana bir futbolchisida COVID-19 virusi aniqlanganini ma’lum qildi.

Unga ko‘ra koronavirusga qarshi test topshirgan yarim himoyachi Blez Matyuidining tahlillari ijobiy natija bergan. JCh-2018 g‘olibi 11 mart kunidan buyon o‘z uyida davolanmoqda. Unda hozircha kasallikning hech qanday alomatlari yo‘q.

Eslatib o‘tamiz, koronavirus “Yuventus”da dastlab himoyachi Daniele Ruganida aniqlangan edi.