“Реал”дан “даҳшатли” трансфер: Холандни оламиз!

Ўзбекистон миллий терма жамоаси аъзоси Абдуқодир Ҳусанов “Манчестер Сити” футболчи ҳисоблангани боис sports.uz портали ушбу клубга оид маълумотларни ўзбекистонлик футбол ишқибозлари эътиборига ҳавола қилишни давом эттиради.

“Манчестер Сити” тўпурари Эрлинг Холанд Англия Премьер-лигасини забт этгунига қадар ўз юртидан ташқари Австрия ва Германия чемпионатларида маҳоратини намойиш қилган.

25 ёшли ҳужумчининг “шаҳарликлар” билан амалдаги шартномаси 2034 йилнинг ярмигача давом этиши белгиланган бўлса-да, Эрлингнинг кейинги манзили Испания чемпионати бўлиши мумкин.

“Барселона” рақобат борасида ашаддий рақиб “Реал” билан тенглашиш учун клубга Эрлинг Холандни олиш режасини тузаётгани маълум бўлганди.

Энди  Transfer News Live, El Larguero ҳамда Cadena SER каби манбаларнинг таъкидлашича, “Реал” ҳам ҳужум чизиғини кучайтириш учун Эрлинг Холандни олишга қарор қилган. Аслида “Қироллик клуби” президенти Флорентино Перес анчадан бери жамоаси ҳужум чизиғида Килиан Мбаппе ва Эрлинг Холанддан таркиб топган суперҳужум тандемини ташкил қилишни мўлжаллаб келаётган эди.

Манбаларда айтилишича, “Реал” хўжайини яна шу ғояни жонлантиряпти. Айниқса, Винисиус Жуниорнинг Мадриддаги келажаги мавҳум бўлиб турган бир паллада Холанд масаласи яна долзарб аҳамият касб эта бошлади. Бу режани амалга ошириш йўлларини қидираётган “Реал” раҳбарияти Винисиус Жуниорни клуб уни сотиб юбормоқчи эканидан огоҳлантиришга ҳам улгурди.

Transfermarkt портали экспертлари Холандни 180 миллион еврога баҳоламоқда. “Реал” Винисиус Жуниорни сотиб юборган тақдирда бу суммани тўлаш мадридликларга ҳеч қандай қийинчилик туғдирмайди.

Суперклуб: “Манчестер Сити” биздан ҳимоячи сўради

“Манчестер Сити” ёзги трансферлар вақтида марказий ҳимоячини кучайтириш учун франциялик футболчи Жюль Кундени ўз сафига қўшиб олишга урингани маълум бўлди.

Бу ҳақда “Барселона” спорт директори Деку Mundo Deportivo нашри журналистларига маълумот берди.

- “Манчестер Сити” биздан Жюль Кундени трансфер қилиш имконияти ҳақида сўраган эди. Биз буни рад этдик. Шундан кейин бу ўйинчи бўйича рамий таклиф ҳам билдирилгани йўқ ва ҳеч қандай музокара ҳам ўтказилмади, - деди Деку.

“Барселона” 2022 йилнинг ёзида Жюль Кундени “Севилья”дан 50 миллион еврога трансфер қилган эди. 26 ёшли футболчининг каталонияликлар билан амалдаги шартномаси 2030 йилнинг ярмигача давом этиши белгиланган.

Фоден келажаги бўйича муҳим қарорга келди

“Манчестер Сити” ҳужумкор футболчиси Фил Фоден ўтган мавсум ўйинида кузатилган инқироздан қутилиб, яна юқори савияда ўйнай бошлади.

Шу билан бирга 25 ёшли ўйинчи келажаги бўйича бир тўхтамга келди.  Football Insider нашрининг маълум қилишича, Фоден тақдирини узоқ йиллар давомида “Манчестер Сити” билан боғлашга қарор қилган.

Унинг амалдаги шартномаси 2027 йилнинг ёзигача давом этиши белгиланган. Клубдагилар янги шартнома тайёрлаш ишларини бошлаб юборгани айтилмоқда.

Фил Фоден “Манчестер Сити” академиясининг энг иқтидорли тарбияланувчиларидан ҳисобланади. Жорий мавсумда у барча турнирларда саккизта учрашув ўтказиб, рақиблар дарвозасига иккита гол урди ва жамоадошларига бир жуфт голли пас узатди.

Transfermarkt портали экспертлари Фил Фоденнинг трансфер суммасини 100 миллион еврога баҳоламоқда.

“Манчестер Сити”нинг Ҳусанов бўйича якуний қарори маълум бўлди

Ҳусанов машҳур футболчининг мундиалга йўлини тўсиб қўйди

Ҳусанов “даҳшатли” қурол, мураббий уни кутяпти!

ChatGPT Ҳусанов гол урган жамоага манчестерлик футболчини жойлади

Ўзбекистонда мундиални “ёндирадиган” учта футболчи бор!