Amorim yana to‘rt yulduzni tarkibdan chiqardi

“Milan” bosh murabbiyi Ruben Amorim to‘rt nafar futbolchi – Kristofer Nkunku, Yussuf Fofana, Fikayo Tomori va David Odoguning jamoa tarkibidan chetlatilishiga izoh berdi.

Avvalroq butun mavsumoldi tayyorgarlikni klub bilan o‘tkazgan ushbu futbolchilar mashg‘ulotlardan chetlashtirilib, transferga qo‘yilgani xabar qilingan edi.

- Ular mavsumoldi tayyorgarlikda o‘zlarini juda yaxshi ko‘rsatishdi, ammo biz tanlov qilishimiz kerak. Biz o‘zgaryapmiz, o‘ylashimcha, hozir jiddiy o‘zgarishlar qilish juda muhim.

 Biz loyihaning boshida turibmiz va bizda imkoniyat berilishi kerak bo‘lgan bir nechta yosh futbolchilar bor, ular uchun joy yaratishimiz kerak.

Ammo shuni aytmoqchimanki, ular haqiqatan ham mavsumoldi tayyorgarlikda o‘zlarini yaxshi ko‘rsatishdi. Lekin biz mavsumga tayyorgarlik ko‘rishimiz kerak.

Qariyb 40 nafar futbolchi bilan esa tayyorgarlik ko‘rishning iloji yo‘q. Shuning uchun yigitlarga achinaman, ammo biz buni qilishimiz kerak, — deya Amorimning so‘zlarini La Gazzetta dello Sport keltirdi.