Англияда ўйнаган футболчи қўлга олинди

Англиянинг “Вест Бромвич Альбион” ва “Челси” клубларининг собиқ ҳимоячиси Нил Клемент Испанияда наркотик моддалар сотиб олишда гумон қилиниб қўлга олинди.

Бу ҳақида Daily Mail нашри хабар берди.

47 ёшли собиқ футболчи Марбелья ва Фуэнхирола шаҳарлари орасида жойлашган “Riviera del Sol” савдо марказида ҳибсга олинган. Унинг ёнидан ва уйидан турли хил наркотик моддалар ҳамда нақд пуллар топилган.

Клемент 2000–2010 йиллар оралиғида “Вест Бромвич” сафида ўйнаб, 295 та ўйинда қатнашган ва 24 та гол урган. У аввал “Челси”да ҳам тўп сурган.

Қўлга олинганидан сўнг, у судга олиб борилган ва тергов давомида гаров эвазига озод қилинган. Полиция бир килограммдан ортиқ тақиқланган моддаларни мусодара қилган. Амалиёт аҳоли томонидан келиб тушган шубҳали фаолият ҳақидаги шикоятлардан кейин ўтказилган.

Якуний ҳукм тергов натижаларига кўра қабул қилинади.