Арбелоа Беллингемнинг норозилигига изоҳ берди

"Реал Мадрид" клуби бош мураббийи Альваро Арбелоа ярим ҳимоячи Жуд Беллингемнинг "Алавес"га қарши (2:1) 58-дақиқада алмаштирилганидан норози бўлгани ҳақида фикр билдирди.

"У жароҳатдан кейин майдонга қайтди, жума куни эса навбатдаги ўйинимиз бор. Милитао билан бўлгани каби таваккал қилишни истамаймиз.

У жамоага ёрдам беришда давом этишни хоҳлади ва бу менга ёқади. Бунга катта аҳамият бериш керак эмас, уни яна майдонда кўрамиз", — деди Арбелоа.

Маълумот ўрнида, "қироллик клуби" Ла Лигада "Барселона"дан сўнг иккинчи ўринда бормоқда. Жамоа каталонияликлардан 6 очко ортда қоляпти ҳамда 1 та кўп ўйин ҳам ўтказган.