"Бавария" "Барса"ни аяб ўтирмади. Хави жамоаси энди Европа лигасида ўйнайди

Европа чемпионлар лигаси 6-туридан ўрин олган "Бавария" - "Барселона" учрашуви якунига етди. Мазкур баҳсда мюнхенликлар 3:0 ҳисобида рақибдан устун келди. 

Мюллер, Сане ва Мусиаланинг голларига "кўк-анорранглилар" жавоб қайтара олмади. 

Шундай қилиб, Нагельсманн шогирдлари "E" гуруҳида юз фоизлик натижа қайд этди. "Барса" эса 7 очко билан 3-ўринни эгаллади. Улар энди Европа лигасида иштирок этади.   

• 90+3'
  

  Учрашув якунига етди. "Барса" "Бавария"га 0:3 ҳисобида имкониятни бой берган ҳолда, Европа лигасига равона бўлди. 

• 90'
  

  Ўйиннинг асосий вақтига 3 дақиқа қўшиб берилди. 

• 87'

  Сане бирга-бир вазиятни кўкка совурди. 

• 85'

  Мусиала Мингесанинг юзига тирсай қўйди. Испаниялик ҳимоячи майдонда ётибди. 

• 81'
  

  Ричардс Араухога нисбатан ўта қўпол ўйнади ва сариқ карточка билан жазоланди. 

• 80'

  Гавининг қанотдан берган узатмасидан сўнг дарвозабон тўпни эгаллаб олди. 

• 79'

  "Барселона" бурчак тўпи тепиш имкониятини қўлга киритди. 

• 76'

  Мусиала Мингесага нисбатан қўпол ўйнади. 

• 74'

  Коутиньо рақиб жарима майдони ичида йиқилиб тушди, бироқ бу вазиятда ўйин қоидаси бузилмади. 

• 73'

  Филиппе Коутиньо ва Рики Пуч майдонга тушди. Дембеле ва Коутиньо захирага олинди. 

• 70'

  Депай амалга ошириб берган бурчак зарбасидан сўнг Нойер тўпни эгаллаб олди ва Санега тезлик билан тўпни узатди. Тезлик билан ҳужумга ўтган Лерой Левандовскига аниқ пас амалга ошира олмади. 

• 66'

  "Бавария" ортиқча қийинчиликсиз тўп билан муомала қилмоқда. 

• 63'
  

  Алфонсо Девиснинг қанотдан ёриб кириб, Мусиалани тўп билан таъмирнлади, у эса ҳисобни йирик кўринишга келтириб қўйди. 

• 60 '

  "Барселона" иккинчи таймни бироз фаолроқ ўтказмоқда. 

• 57'

  "Барселона"нинг навбатдаги ҳужуми ҳам бесамар якунланди. 

• 55'

  Де Йонгнинг зарбасидан сўнг тўп рикошет ҳолатида Нойернинг қўлига бориб тушди. 

• 51'

  Депай Дависга нисбатан қўпол ўйнади. 

• 50'

  "Барселона"да яхши имконият вужудга келди, бироқ Никонинг пасидан сўнг ҳужумдаги футболчилар дарвоза томон зарба бера олмади. 

• 48'

  "Бавария"дан ўта ҳавфли ҳужум. Сане деярли бўш дарвозани ишғол эта олмади.

• 46'
  

  Ўйиннинг иккинчи бўлимига старт берилди. 

• 45+2'
  

  Биринчи бўлим якунига етди. Ҳозирча "Бавария" "Барселона"дан 2:0 ҳисобида олдинда бормоқда. 

• 45'
  

  Биринчи бўлимнинг асосий вақтига 2 дақиқа қўшиб берилди. 

• 43'
  

  Сане узоқ масофадан зарба йўллаб, орадаги фарқни иккитага етказиб қўйди. 

• 40'

  Дембеле яхши вазиятга чиқиб бораётган бир пайтда ҳимоячи уни тўхтатди. 

• 37'

  Команнинг зарбасидан сўнг Тер Штеген тўпни эгаллаб олди. 

• 34'

  ГООООООЛ! Ўйинда ҳисоб очилди. Мюллер Левандовскининг пасидан сўнг бош билан зарба йўллаб, ҳисобни очди. 

• 32'
  

  Альбанинг ўрнига Мингеса майдонга тушди. 

• 30'

  Альба жароҳат олиб, майдонни тарк этди. 

• 28'

  Мюллер ажойиб вазиятга чиқиб борди Левандовскинига узатма амалга оширди. Бироқ Роберт тўпга бироз ета олмади. 

• 26'

  Араухо Давис билан курашда ғалаба қозонди. 

• 23'

  "Бавария" "Барса" жарима майдони атрофида тўпни эгаллаб турибди. 

• 20 '

  Депайнинг пасидан сўнг Дембеле кучли ва ноаниқ зарба йўллади. 

• 19 '

  Толиссо Де Йонгга нисбатан қўпол ўйнади. 

• 18'

  "Бавария"нинг икки футболчиси яхши вазиятга чиқи борди. Бироқ ҳакам ҳуштагини чалди. Офсайд. 

• 16'

  Френки Де Йонг рақиб жарима майдони ичида офсайд ҳолатида қолиб кетди. 

• 14'

  "Барспелона" ҳимоядан чиқишда бироз қийинчиллка дуч келди. 

• 11'

  "Бавария"да жарима зарбаси вужудга келди. Бироқ бесамар. 

• 9'

  Дембеленинг узатмасидан сўнг жарима майдончаси ичида зарба йўллайдиган футболчи топилмади. 

• 7'

  Альбанинг зарбасидан сўнг Нойер осонлик билан тўпни эгаллаб олди. 

• 5'

  Саненинг зарбасидан сўнг тўп Бускетснинг бошига тегди. 

• 4'

  "Бавария" яқин масофадан жарима зарбаси тепиш имкониятини қўлга киритди. 

• 3'

  Илк дақиқаларда "Барселона" рақибга нисбатан бироз босим уюштириб кўрди. Аммо бесамар. 

• 0'
  

  Ўйинга старт берилди. 

• 0'

  Бироздан сўнг ЕЧЛ 6-туридан ўрин олган "Бавария" - "Барселона" учрашуви старт олади. Мазкур ўйиндан матнли трансляцияни сайтимиз орқали томоша қилинг.