“Brayton” manchesterliklarni “yiğlatib” ketdi

Angliya ligasi kubogining 2026/2027 yilgi mavsumi 1/16 finalidan o‘rin olgan “Manchester Yunayted” va “Brayton end Houv Albion” o‘rtasidagi uchrashuv kutilmagan natija bilan yakunlandi.

Bahs Manchesterdagi “Old Trafford” stadionida bo‘lib o‘tdi va unda mehmonlar 3:2 hisobida g‘alaba qozondi.

Uchrashuv mezbonlar uchun muvaffaqiyatli boshlangan edi. 8-daqiqada hujumchi Shi Leysi hisobni ochdi. Atigi ikki daqiqadan keyin manchesterliklarning ustunligini yarim himoyachi Meyson Maunt ikki karra oshirdi.

45+1-daqiqada «Brayton” hujumchisi Haralampos Kostulas hisobdagi farqni bitta golga qisqartirdi. 65-daqiqada Paskal Gros hisobni tenglashtirdi. 69-daqiqada mehmonlar jamoasi yarim himoyachisi Maksim De Koyper g‘alaba golini urdi.

Shu tariqa, “Brayton” Angliya Liga kubogining keyingi bosqichiga yo‘l oldi, “Manchester Yunayted” esa musobaqani tark etdi.