Бруно Фернандеш: "Ҳарри жамоа учун муҳим футболчи"

"Манчестер Юнайтед" ярим ҳимоячиси Бруно Фернандеш Ҳарри Магуайрнинг клуб билан шартномасини узайтиргани ҳақида фикр билдирди.

"Ҳарри жамоа учун муҳим футболчи. У раҳбарлар томонидан эътирофга сазовор бўлди. Магуайр катта тажрибага эга. Шунинг учун унинг кетиши катта йўқотиш бўларди", деди португалиялик ярим ҳимоячи.

Аввалроқ 33 ёшли ҳимоячининг манкунианликлар билан янги шартномаси келаси йилнинг ўрталарига қадар узайтирилгани эълон қилинган эди. Магуайр жорий Премер-лига мавсумида 18 та ўйинда майдонга тушиб, битта гол ва битта голли узатмани амалга оширди.