Дунёнинг энг кучли беш боксчиси ким? Артур Бетербиев жавоб берди
Ahmadbek Eshmatov
Улар орасида Исроил Мадримов жанг қилган боксчи ҳам бор.
Ярим оғир вазнда мутлақ жаҳон чемпиони Артур Бетербиев DAZN телеканалига берган интервьюсида дунёнинг энг яхши 5 нафар боксчиси кимлигини айтди.
"Вазн тоифасидан қатъий назар энг кучли боксчилардан бешинчиси Девин Хейни. Тўртинчи ўрин Тайсон Фьюрига тегишли. Учинчи ўринга албатта, Сауль Альварес муносиброқ. Иккинчи ўрин эгалари - Александр Усик ва Наоя Иноуэ. Улардан бирини алоҳида ажратиб кўрсата олмайман. Ваниҳоят мен учун биринчи рақамли боксчи бу - Теренс Кроуфорд", - деди россиялик спортчи.
Эслатиб ўтамиз, 13 октябр куни ўтказилган жангда Артур Бетербиев очколар эвазига Дмитрий Биволни мағлубиятга учратди.
Изоҳлар (0)