Гвардиола жамоаси ҳеч қачон таслим бўлмаслигини уқтирди

“Манчестер Сити” жорий мавсумда Англия Премьер-лигасида пешқадамлик қилаётган “Арсенал”га чемпионлик унвони учун курашда босим ўтказа оладиган ягона жамоа бўлиб турибди.

“Шаҳарликлар” бош мураббийи Хосеп Гвардиола ўз жамоаси Премьер-лигадаги чемпионлик пойгасида ҳеч қачон таслим бўлмаслигини маълум қилди. Испаниялик мутахассис мавсумнинг қолган қисмида яна кўплаб сюрпризлар бўлишини кутмоқда, аммо жамоаси охиригача курашишга қатъий бел боғлаганини айтди.

- Биз “Тоттенхэм” билан 2:2 ҳисобида дуранг ўйнаганимиздан кейин кимдир мендан нима учун Премьер-лигадаги курашдан воз кечиб, кубокларга эътибор қаратишиз кераклигини  ҳақида сўради. Мен: “Йўқ. Нима учун бундай қилиш керак? Келинг, АПЛ чемпионлигига уриниб кўрайлик”, деб жавоб бердим.

Кейин нима бўлишини билмайман, лекин ҳали кўп воқеалар содир бўлади. “Арсенал” ҳақида билмайман, аммо менда шундай ҳис борки, биз барча ўйинларимизни ютиб чиқишимиз имконсиз.

Олдинда Англия кубоги, Европа Чемпионлар лигаси, Лига кубоги финали, халқаро танаффус, кўп ўйинлар ва жароҳатлар бор. Шунинг учун ҳозир дам олиб, олдимиздаги ўйинларга эътибор қаратиш энг тўғри йўл. Қолганини кейин кўрамиз.

Бизга энг кераги – кейинги баҳсда ғалаба қозониш. Агар уддалай олмасак, курашни давом эттириш керак. Ҳеч қачон таслим бўлмаслик керак. Премьер-лигада 10 ёки 11 та ўйин — бу жуда кўп нарсани ўзгартиради, - деди Гвардиола.