Ҳусановга ишонаётган мураббий мундиалда қайси терма жамоа ютишини айтди

Россия фуболи тарихидаги энг кучли мураббийлардан бири, Москванинг “Локомотив” жамоасини уч карра мамлакат чемпионига айлантирган  Юрий Сёмин “Спорт Экспресс” нашрига берган интервьюсида 2026 йилги жаҳон чемпионатида қайси терма жамоаларга мухлислик қилишини айтди.

- Жаҳон чемпионати ўйинларини тўлиқ кўришни режалаштиряпсизми?

- Агар мундиалга борсам, тўлиқ кўришнинг иложи бўлмайди, чунки масофалар жуда катта, буни 1994 йилги жаҳон чемпионатида Павел Садиринга Россия терма жамоасида ёрдам берганимдан яхши эслайман.

Ҳозир эса турнир ҳатто битта эмас, учта мамлакатда ўтказилади.

Агар бормасам, телевизор орқали барча муҳим ўйинларни кўраман. Ҳатто улар Москва вақти билан тунда бўлса ҳам.

Нима ҳам қилардик, вақтинча тунни кунга алмаштирамиз!

- Жаҳон чемпионатининг асосий фаворити қайси терма жамоа, деб ҳисоблайсиз?

- Менимча, икки фаворит бор – Испания ва Аргентина миллий терма жамоалари.

Мен аргентиналикларга мухлислик қиламан, уларнинг жамоаси менга ёқади, яна Лионель Месси сабаб ҳам шу жамоани кузатаман.

Бизнинг лигада ҳам аргентиналик футболчилар кўп.

-  Агар Ўзбекистон терма жамоаси жаҳон чемпионати олдидан бош мураббий алмаштирганда Фабио Каннаваро ўрнига сизни чақирганида рози бўлармидингиз? Таваккал қилармидингиз?

- Нега йўқ дейишим керак? Албатта рози бўлардим!

Мен мундиалда ўзбекларга ҳам мухлислик қиламан. Улар бизнинг энг яқин қўшниларимиз ва дўстларимиз.

Ўзбекистон жаҳон чемпионатида дебют қилмоқда ва гуруҳдан чиқиш улар учун катта ютуқ бўлади. Бу қийин бўлиши мумкин, лекин уддаласа бўладиган масала.  

Бунинг учун Абдуқодир Ҳусановнинг “Манчестер Сити”да қандай ўйнаётганига қарашнинг ўзи кифоя.

Эслатиб ўтамиз, Ўзбекистон миллий терма жамоаси жаҳон чемпионатининг “К” гуруҳидан жой олган ва плей-оффга чиқиш учун Португалия, Колумбия ва Конго Демократик Республикаси вакиллари билан рақобатлашади.

Квартетдаги Ўзбекистондан бошқа барча миллий терма жамоалар ўз тарихида футбол оламининг энг нуфузли мусобақаси ҳисобланган жаҳон чемпионатида иштирок этгани билан ажралиб туради.

“Сити” чемпионлик курашига қайтган тўқнашувда Ҳусановнинг ўйин қандай баҳоланди?

Шомуродов икки гол билан курашга қайтди! Тўпурарлар пойгасида вазият қандай?

Ҳусанов қўлдан чиқди, кўзингиз қаерда эди?

Ҳусанов ўзидан тезкор футболчи номини айтди

Еврокубокда ўйнайдиган клуб ўзбек футболчиси трансферини эълон қилди

Ўзбекистон: Бу галги рақиб Аргентина ва Бразилияни қўрқитган жамоа!

Ҳусанов рейтингда биринчи!