Муҳаммад Салоҳ ўзига кутилмаган жамоани танлади

Ўтган мавсум “Ливерпуль”нинг Англия чемпионатидаги ғалабасида муҳим роль ўйнаган Муҳаммад Салоҳ жорий чемпионат тугаганидан кейин клубни тарк этишини эълон қилган.

Сўнгги маълумотларга қараганда, 33 ёшли тўпурар фаолиятини Испания чемпионатида давом эттиришга мойиллик билдирмоқда.

FlashScore нашрининг ёзишича, мисрлик ўйинчида MLS клубларидан бир нечта таклифлар бор. Шунга қарамай, Салоҳ “Барселона”га ўтишни истайди.

Каталония клуби Салоҳни трансфер қилишга қизиқиш билдирган, аммо ҳозирча бу борада ҳеч қандай амалий қадам ташламаган.

Салоҳ 2017 йили “Ливерпуль”га Италиянинг “Рома” клубидан 42 миллион евро эвазига олиб келинган эди.

Жорий мавсумда у барча мусобақаларда 36 та ўйинда иштирок этиб, 11 та гол ва 9 та голли узатма амалга оширган.