Артета Ҳусанов бўйича кескин фикр билдирди
Англия Премьер-лигасининг 34-турида “Арсенал” ўз майдонида “Ньюкасл”ни 1:0 ҳисобида мағлубиятга учратиб, очколари сонини 73 тага етказди ва мусобақа жадвалида яна биринчи ўринга кўтарилди.
“Манчетер Сити” Англия кубогининг ярим финалида қатнашгани учун 34-тур ўйинини сал олдинроқ ўтказиб, “Бёрнли” кичик ҳисобда мағлуб этган эди. Агар Хосеп Гвардиола шогирдлари “Кристал Пэлас”га қарши 31-турнинг қолдирилган учрашувида ғалаба қозонса, яна пешқадамликни қўлга олади.
“Арсенал” бош мураббийи Микель Артета бой берилган “Манчестер Сити”га қарши ўйин ва ғалаба қозонилган “Ньюкасл” билан баҳсдаги икки эпизод ҳақида кескин фикрлар билдирди. У бу баҳсларда “Ньюкасл” дарвозабони Ник Поуп ва “Манчестер Сити” етакчси ҳимоячиси Абдуқодир Ҳусанов майдондан четлатилмаганини танқид қилди.
Испаниялик мураббий позициясини нуфузли манба – theguardian.com нашри эксперти Дэвид Хайтнер ёритди.
Микель Артета шундай деди:
“Агар ўтган якшанба “Этихад” стадионидаги ҳал қилувчи ўйинда “Манчестер Сити” ўн киши бўлиб қолганида, Премьер-лига чемпионлиги учун курашда ҳаммаси бошқача кечган бўлар эди”.
“Арсенал” бош мураббийи таъкидлашича, “Сити” ҳимоячиси Абдуқодир Ҳусанов 53-дақиқада, ҳисоб 1:1 бўлган пайтда, Кай Хаверцга қарши “охирги умид фоли” учун майдондан четлатилиши керак эди.
“Сити” якунда 2:1 ҳисобида ғалаба қозонди ва ўйиндан кейин Артета бу эпизод ҳақида ҳеч нарса демади, чунки у катта баҳсларга сабаб бўлмади, кўпчилик Ҳусанов тўғри ҳимояланган, деб эътироф этган эди.
Бироқ Артета шогирдлари “Ньюкасл”ни 1:0 ҳисобида мағлуб этганидан кейин ўз фикрини билдирдишни маъқул топди. Бунга Артета рақиб қизил карточка олиши керак, деб ҳисоблаган яна бир ҳолат сабаб бўлди. Бу сафар гап “Ньюкасл” дарвозабони Ник Поуп ҳақида бормоқда.
Учрашувда Эзенинг тезкор голи орқали “Арсенал” 1:0 ҳисобида олдинга чиқди. 74-дақиқада Поуп жарима майдончасидан ташқарига чиқиб, тўпни узоқлаштирмоқчи бўлди, аммо хато қилди ва захирадан тушган “Арсенал” ҳужумчиси Виктор Дьёкерешга қарши фол ишлатди.
Икки ўйинчи билан дарвоза орасида фақат “Ньюкасл” вакили Малик Тиау бор эди.
Поуп сариқ карточка олди, VAR эса эҳтимолий қизил карточкани текширди, аммо қарорни ўзгартириш учун етарли асос топилмади.
Бу учрашувдан кейин Артета кескин фикрлар билдирди.
“Бу аниқ қизил карточка. Мен уни 10 марта қайта кўрдим. Агар сиз ҳеч бўлмаса бир марта футбол ўйнаган бўлсангиз, бу қизил карточка эканини тушунасиз.
Бу икки ўйинда иккинчи марта такрорланмоқда. Чунки менинг тушунишимча, “Манчестер Сити”га қарши ўйинда ҳам, Хаверц олдинга чиқиб кетаётганида, Ҳусанов унга қарши фол ишлатди. Ҳисоб 1:1 эди ва чемпионлик тақдири ҳал бўлаётган эди… Бу аниқ қизил карточка, йигитлар!
Бу майда деталллар масаласи. Лекин мен вазият ўзгаришига умид қиламан.
Мен бу ерда ўз фикримни билдириш учун келганман. Бу соҳада узоқ йиллардан бери ишлайман… ҳар қандай футболчидан сўранг, тўпнинг ҳаракат траекториясига қарасак, у ерда дарвозабон йўқ экани маълум бўлади.
Мен ҳозир сўнгги икки ўйин ҳақида гапиряпман, яъни ҳал қилувчи вазиятлар ҳақида. Ҳаммаси ўртага қўйилган пайтда, бизга омад керак эди, аммо у биз томонда бўлмади.
Мен баҳона излаётганим йўқ. Буни биринчи бўлиб ўзим яхши тушунаман. “Сити”га ютқазганимизда бу ҳақда гапирмаган эдим. Ҳозир эса, ғалаба қозонган пайтимизда гапиряпман.
Бугун бу ҳолат қизил карточкага тенг. Манчестерда ҳам қизил карточка бор эди. Шунда ҳаммаси ўзгарар эди. Шу, холос”.
Таъкидлаш лоимки, 19 апрель куни бўлиб ўтган “Манчестер Сити” ва “Арсенал” учрашувида Кай Хаверц рақиб ҳимоячиси Абдуқодир Ҳусанов билан тўқнашувдан кейин йиқилди.
Учрашувни бошқарган ҳакамлар бу вазиятга эътибор қаратмади ва ҳаммаси ўйин қоидаси асосийда юз берганиниқ айд этди. Бироқ айрим экспертлар ва Микель Артета “Манчестер Сити” ўйинчиси майдондан четлатилиши керак эди, деб ҳисоблайди. Чунки Абдуқодир Ҳусанов учрашувнинг қолган қисмида ҳимояда бехато ҳаракат қилди ва “канонирлар” гол уришига йўл қўймасдан қимматли ғалабага ўз ҳиссасини қўшди.
Иккита супергол урган Шомуродов “Олтин бутса”ни қўлга кирита оладими?
Эксперт Ҳусановни “Реал” юлдузидан юқори баҳолади
Ҳусанов Премьер-лигани ўзгартирди!
“Сити”ни биринчи ўринга кўтаришга ҳисса қўшган Ҳусановнинг ўйини қандай баҳоланди?
Шомуродов трансферига Италия ва Туркиядан қандай муносабат бўлди?
Ҳакам: Ҳусановга қизил карточка кўрсатиш керак эди!
Фикрлар