OʻzFHM rahbari "Neftchi" — "Paxtakor" bahsida farğonaliklar darvozasiga nega penalti berilmaganini izohladi

O‘zbekiston Superkubogi uchun kechgan bahsda "Neftchi" 1:0 hisobida "Paxtakor"ni mag‘lubiyatga uchratdi.

Uchrashuv davomida Ibrohim Ibragimovning yo‘llagan zarbasi far‘g‘onaliklar himoyachisi Boyan Tsigernig qo‘liga tegdi. Biroq bosh hakam Temur To‘xtasinov 11 metrlik nuqtani ko‘rsatmadi.

Bellashuvdan so‘ng SPORTS.uz jurnalisti Karim Xudayqulov O‘zFHM rahbari Ma’mur Saidqosimovdan ushbu epizod haqida so‘radi va quyidagicha javob oldi:

"Bu vaziyatda futbolchi qo‘l bilan ataylab o‘ynamagan va u boshqa tarafga qarab ketayotgan edi. Qo‘l tabiiy holatda bo‘lgan va to‘pga harakat qilinmagan", — dedi Ma’mur Saidqosimov.