Португалия терма жамоаси бош мураббийи Криштиану Роналду ҳақида гапирди

Португалия терма жамоаси бош мураббийи Роберто Мартинес "Ан-Наср" ва терма жамоа етакчиси Криштиану Роналду ҳақида фикр билдирди.

"Роналду футболни ўзгартирган ягона тарихий шахс. Биз у билан боғлиқмиз: у бўш ҳудуд яратади ва голлар уради. Унинг терма жамоадаги сўнгги 3 йили жуда ажойиб ўтди, у 30 та ўйинда 25 та гол уришга эришди. Шунингдек, Роналду ҳар доим терма жамоа сафида барқарорлиги билан ажралиб туради", - деди испаниялик мутахассис. 

Маълумот учун, ҳозирда Португалия терма жамоаси ФИФА кунлари доирасида ўртоқлик учрашувларини Роналдусиз ўтказяпти. 41 ёшли ҳужумчи айни вақтда мушаклардан олган жароҳатдан сўнг тикланиш жараёнини бошдан кечирмоқда.