Профессионал бокс. Отабек Холматов рақибни "эзиб ташлади"
Ahmadbek Eshmatov
Ҳамюртимиз ғалаба қозонди.
Хабарингиз бор, айни пайтда Қозоғистоннинг Олма-ота шаҳрида профессионал бокс оқшоми бўлиб ўтмоқда.
Эътиборлиси, унда иштирок этаётган ҳамюртларимиздан бири Отабек Холматовнинг жанги якунланди.
8 раунд этиб белгиланган баҳс муддатдан аввал ўз ниҳоясига етди. Ҳамюртимиз филиппинлик Жейсон Канога барча раундларда "зарбалар ёмғири"ни ёғдирди. Сўнгги раундга келиб, рақиб бунга бардош бера олмади. Шу тариқа Холматов 8-раундда Жейсонни техник нокаутга учратди.
Мазкур ғалаба Холматовнинг фаолиятидаги ўн учинчиси бўлди.
Эслатиб ўтамиз, олдинда бизни Баҳодир Жалолов ва Украина вакили Игор Шевадзутский тўқнашуви кутмоқда.
Изоҳлар (0)