“Реал Мадрид” афсонаси Винисиус Жуниорни кескин танқид қилди

Нидерландиялик собиқ футболчи Рафаэл ван дер Варт Чемпионлар лигасида “Бавария”дан учралган мағлубиятдан сўнг “Реал Мадрид” юлдузи Винисиус Жуниор ҳақида жуда кескин фикрлар билдирди.

“Мен унинг катта истеъдодини тан олган бўлсам-да, унинг майдондаги айрим ҳаракатлари ўйиннинг томоша завқини бузяпти. Мен Винисиусни ўйинини томоша қилишдан нафратланаман. У аслида ажойиб футболчи. Лекин у кичик туртилишда ҳам ўзини ерга ташлайди. Бу эса унинг истеъдодига соя солади”, - деди Мадрид клуби собиқ футболчиси. 

Шунингдек, у бразилиялик футболчининг ҳакамларни чалғитишга уринишини ҳам таъкидлади: 

“У карточка кутаётганда гўёки оғриқдан азоб чекаётгандек ерда ётади, лекин бир неча сониядан кейин ҳеч нарса бўлмагандек туриб, югуришда давом этади. Бундай ҳаракатлари футбол руҳига зид”, - дея уни танқид қилди.